كيف تطلب

في طريقتين لتطلبوا، وتنتينهن بيوصلوا لنفس الشخص.

اطلبوا من الموقع

حطّوا يلي بدكم ياه بالسلة وكمّلوا الطلب. منراسلكم لنأكّد الطلب معكم ومنتّفق عالتوصيل.

اطلبوا عالواتساب

ابعتولنا المنتج على +961 79 336 207: صورة، أو لينك، أو بس الاسم. منردّ عليكم بالسعر وإذا موجود بالمحل، وفيكم تطلبوا من نفس المحادثة.

التوصيل

منوصّل لأي عنوان بلبنان، والتوصيل بـ4 دولار، سوا طلبتوا غرض واحد أو عشرة. منأكّد معكم العنوان بالرسالة، ومنتّفق عالوقت قبل ما يطلع الطلب من المحل.

الاستلام من المحل

كل شي معروض عالموقع موجود على رفوف المحل بـبقعاتا، الشوف. مرقوا خدوا الطلب بإيدكم وما بيتحسب عليكم الـ 4 دولار. عادةً بيكون الطلب جاهز بعد ساعة تقريباً من وقت ما منأكّده، وإذا مش ناويين تطلبوا أونلاين، تعوا اشتروا من المحل رأساً.

الدفع

الدفع عند الاستلام. بتدفعوا لمّا يصير الطلب بإيدكم، مش قبل. وكل الأسعار عالموقع بالدولار الأميركي، ما في تسعير بالليرة لا عالموقع ولا بالمحل.